Wednesday, April 13, 2011

მზის ენერგიაზე მომუშავე აეროპლანმა შეასრულა პირველი გაფრენა


A97E1E99-559E-4C07-B105-948B84BA7DD9.jpg
მზის ენერგიაზე მომუშავე თვითმფრინავმა Solar Impulse-მა შეასრულა თავისი პირველი გაფრენა.
აპარატი, რომელმაც უნდა შეძლოს დედამიწის გარშემო ფრენა, მიწიდან აფრინდა წარმოუდგენლად დაბალი სიჩქარით (მხოლოდ 45 კმ/სთ) და ნახევარი კილომეტრის სიმაღლეზე იფრინა 90 წუთი. «ზეცას აქამდე არ უნახავს ასეთი ტიპის აეროპლანი — განიერი, მსუბუქი და ენერგოეფექტური», — დაიტრაბახა პროექტის ხელმძღვანელმა ბერტრან პიკარდმა (bertrand piccard).
საცდელი გაფრენები მიმდინარეობდა ჯერკიდევ დეკემბერში, თუმცა ელეგანტური Solar Impulse არ აფრენილა ერთ მეტრზე მაღლა და არ გაუფრენია სამას მეტრზე მეტი. ივლისში განხორციელდება პირველი ღამის გაფრენა და ტესტზე დაყრდნობით ინჟინრები ააგებენ ახალ თვითმფრინავს. აეროპლანის პირველი გაფრენა დედამიწის გარშემო მზის ელემენტებით დანიშნულია 2012 წელს. «აქციის მიზანია ფრენა დღისით და ღამით საწვავის გარეშე. აქციის მიზანია ვაჩვენოთ ახალი ენერგიის წყარო, რათა დავამტკიცოთ, რომ ამ ენერგიით მივაღწიეთ წარმოუდგენელ შესაძლებლობებს», — რამდენჯერმე გაიმეორა თავისი კრედო პიკარდმა.
ავიაციის ექსპერტები თვლიან, რომ ახალი სახის საწვავზე მომუშავე თვითმფრინავებს მართლაც აქვთ მომავალი კომერციულ ავიაციაში, თუმცა მათი აზრით წყალმცენარეების და სხვა მსგავი მცენარეების  ბიოსაწვავს ელოდება შედარებით დიდი წარმატება, ვიდრე მზის ენერგიას. «მზის ენერგია არ არის საკმარისი იმისთვის, რომ ერთი ადგილიდან მეორეში გაფრინდეს თვითმფრინავი მცირე დროში, მზის ემერგიაზე მომუშავე თვითმფრინავებს შეუძლიათ ჰაერში დიდხანს ყოფნა და არა სწრაფი ფრენა», — განაცხადა TECOP International-ის (აშშ) პრეზიდენტმა ჰანს ვებერმა.
დედამიწის გარშემო ფრენა დაიყოფა ხუთ ეტაპად; Solar Impulse-ის ძრავის სიმძლავრე არ აღემატება 40 ცხენის ძალას; საშუალო სიჩქარე შეადენს 70 კმ/სთ. დაახლოებით ყოველ ხუთ დღეში ერთხელ პილოტებს ბერტრან პიკარდს და ანდრეი ბარშბერგს მოუწევთ დაჯდომა, რათა დემონსტრირება გაუკეთონ ტექნიკის სასწაულს და შეეცვალონ ერთმანეთს.
პირველი — ისტორიული! — გაფრენა

Thursday, April 7, 2011

ვირტუალურ სამყაროში ნამდვილი მანქანით


ავსტრალიაში ნამდვილი ავტომობილი და 3D–გრაფიკა შეუხამეს ერთმანეთს ისე, რომ მომხმარებელს ქალაქში ან ავტოსტრადაზე მოძრაობის ილუზია ექმნება. რატომ? ეხლავე გავიგებთ.
ინტერაქტიული სისტემა TS8000, რომელიც კომპანია TAG Systems–მა შექმნა, წარმოადგენს 8×8×5 მეტრიან სივრცეს. მის ცენტრალირ ნაწილში მოთავსებულია პლატფორმა, სადაც დამაგრებულია ავტომობილი ისე, რომ მის საბურავებს შეეძლოს ბრუნვა.
სპეციალური ოთახის კედლებზე განლაგებულია 4 მეტრის სიგანის ეკრანები,რომლებიც მძღოლს 200–გრადუსიანი ხედვის საშუალებას აძლევენ. სურათი არ განსხვავდება იმისგან, რასაც ჩვენ შევეჩვიეთ კომპიუტერული სიმულატორებისგან: ქალაქის ქუჩები და სპორტული სტრადები დღისა და ღამის პერიოდში სხვადასხვა ამინდის პირობებში.
მძღოლი ასრულებს იგივე მოქედებასა და მანევრებს, რომლებსაც ის ნამდვილ გზაზე შეასრულებდა, თუმცა გასაგებია, მანქანა დგას ადგილზე. მის მოქმედებას აფიქსირებენ სენსორები და ამის შესაბამისად იცვლება გამოსახულება ეკრანებზე: საჭის მოხვევის შესაბამისად ტრიალებს პლატფორმა (თუმცა, ჯერჯერობით ისე სწრაფად არა, როგორ მწარმოებლებს სურთ). გათვალისწინებულია ძრავის გამაგრილებელი მექანიზმი და გამონაბოლქვის მშთანთქველი სისტემა, ხოლო მთავარი ეკრანი აკონტროლებს სიჩქარესა და სხვა მაჩვენებლებს ვირტუალური მოგზაურობის დროს.
სისტემა TS8000, რომელიც ხუთი სტანდარტული კომპიუტერით იმართება, განკუთვნილია მსუბუქი ავტომობილებისთვის ( მაქსიმალური წონა: 4 500 კგ, ძრავის სიმძლავრე: 1 200 ცხენის ძალა). მისი გამოყენებით ადვილად შესაძლებელია ავტომობილის მართვის სწავლადა და ავტო–რბოლითა და სთრით–რეისინგით გართობა — აბსოლიტურად უსაბრთხოა თქვენთვის და გარშემო მყოფთათვის!
TAG Systems–მა ასევე შექმა მეორე მოდელიც — TS4000, რომელიც სატვირთო კონტეინერს შეესაბამება. სიმულატორის ღირებულება ჯერჯერობით უცნობია.
წყარო: Wired UK

Touchscape Table: Microsoft Surface-ის მედიამაგიდის ანალოგი


ბრიტანულმა კომპანიამ Touchscape Technologies-მა დაამზადა ინტერაქტიური კომპიუტერული მაგიდა 47-დიუმიანი დიპსლეით, რომელსაც აქვს «მულტითაჩ» ინტერფეისის მხარდაჭერა.
Touchscape Table არის Microsoft Surface.-ის ანალოგი. მოწყობილობას შეუძლია ერთდროულად ბევრ წერტლიზე შეხების ამოცნობა, რომლის მეშვეობითაც შესაძლებელია რამოდენიმე მომხმარებლის ერთდროულად ურთიერთქმედება სენსორულ ზედაპირთან.
Touchscape Table-ს აქვს ოთხბირთვიანი AMD Phenon-ის პროცესორი ტაქტური სიხშირით 3,4 გჰც. ოპერატული მეხსიერების მოცულობა შეადგენს 4 გბ-ს, მეხსიერების მოცულობა — 180 გბ. კომპიუტერული მაგიდას ასევე გააჩნია Bluetooth, Wi-Fi, Ethernet და 3G მოდული.
ეკრანის გარჩევადობა შეადგენს 1920×1080 პიქსელს (ფორმატი Full HD); გამოსახულების სიმკვეთრის ავტომატური ოპტიმიზაციისთვის განკუთვნილია განათების სენსორი. დისპლეის ზედაპირი ისეთი მყარია, რომ მისი გამოყენება ყავის მაგიდადაც კი შესაძლებელია.
მწარმოებლების მიერ შემოთავაზებულია მედიამაგიდის რამოდენიმე სტანდარტული კონფიგურაცია და ასევე დამკვეთის სურვილისამებრ მოწყობილობის აღჭურვა.